يالله ياللي من عذابه نخافه

يامكلم موسى على قمة الطور

انك تقديني بليا كلافه

أنظم بيوت كن بها الدر منثور

تنصى شيوخ أهل الوفا والعرافه

وقبيلة إن جاء اللقاء ماهي تبور

ذولا خضرة لسلوم بحرً ضفافه

جود وكرم يوم الليالي بها جور

حرابهم منام عينه تعافه

غريمهم ملحوق والدم منثور

عند الرخاء سمحين ولا الصلافه

ضرباتهم بالراس ولا على الزور

قلته وقافي حبكته واحترافه

على لساني كله إحساس وشعور

وعن لابتي سيف حديد رهافه

يقطع سمين ويترك الهزل محقور

قشنوني ماجاب عذر وحسافه

شارك وقلبه من هل الحفل مسرور

دام القبيله تجتمع في ضيافه

وصغارهم وكبارهم عندهم شور

لي جابه الطيب بصدق وشفافه

لو هو صغير القوم مالحقهم عور

هذه القبيله والرفق والمرافه

لنهم أخوان في الخفيفات والجور

وقصر ينومس من نزل به وشافه

نفذه لجنة جهدهم فيه مشكور

البيض تبنى في علاوي الشعافه

للي خدم ربعه ولاصار مغرور

وانتوا يامذكر قبل علم الصحافه

تاريخكم في بيرق المجد منشور

وحق على الشاعر قبل ختم قافه

ان جاءصباح الخير ولا مساء النور

عليك ياشيخ النبأ والثقافه

عبدالعزيز قعوان والفعل مشهور

هذا وصلوا عد مالبيت طافه

على رسول حارب الظلم والزور