البارحه طول ليلي ماغفت عيني

قامت هواجيس قلبي تطرق ابوابه

مره تروح وخمس امرار تاتيني

عزي لحالي عثت به كنها ذيابه

قضيت ليلي معاها عابثه فيني

صارت سباع جويعه والحشا غابه

لاقلت بلهون قالت لا تحاكيني

وصبرت لين المؤذن خش محرابه

وصارت كذا حالتي يارب تكفيني

من ماصدى في ظميري عقل اركابه

يارب ماغيرك اشكي له ويشفيني

سبحان منهو لخلقه فاتح بابه

طالبك مما صدى بالكبد تحميني

انت المعالج من اللي بالحشا صابه

اطلبك باسماك ياربي تعافيني

واللي حصل في علي ماغيرك ادرابه

ياللي عبادك لبيتك جو مصليني

ياللي رحيم ولا قد خاب طلابه

سبحانك الله اماغيرك يداويني

انت المداوي لمن عجزوا به اطبابه

انا استغيثك يارجوى المستغيثيني

يالله يالله ربي منك الجابه