انا البارحه سهران والنيه النيه

نوايا سليمه بس الاكوان فيها زود

 من العام الاول والمجاديف مبليه

عواصيف مجتاحه تلوث دمي كبود

وجت زوبعتها داخل القلب مزويه

تعصره بعنف وهو على عصرها مظهود

على كثر جيتها تعودت ع الجيه

ودرب يوديها لغيري يجي مسدود

 فيا الله ياللي رحمتك تمحي السيه

ماغيرك ذكرته يا الاهي ويامعبود

تيسر دروب اللي على العز مبنيه

ولا اجفى بني عمه ولا قيل ذا مقرود

 ولكن تغيب من تبلاه في غيه

راعي جمرتين لاهبه واحمرين خدود

 عيونه لمنها ناظرتني بحنيه

فقدت التوازن من سهوم العيون السود

بعد غيبته نفسي كئيبه ومنسيه

بعزله عن الانظار لاناشد و منشود

 عساني اشوفه دامت الروح بي حيه

وهو غايتي وانا ترى غاية المقصود