سلامات ياقلب من العام ملتاع

ملتاع من حب الغزال الجفولي

ملتاع من حب الغضي حلو الاطباع

وليا فزع بتقول عوص الخيولي

معذور ياقلبي لياصرت منصاع

منصاع في حبه وصاير فضولي

فيها جمال وغنج وعيونها اوساع

لا ناضرت صاب المولع خمولي

وان اقبلت ماكنها تلمس القاع

ون فرعت ياحلو ذيك الجدولي

ون دبرت بتقول تمشي على ايقاع

ماينقص الا الصوت ولا الطبولي

ون درهمت كالريم شايف له اسباع

ون هجولت كنها خلوج(ن)ذلولي

ياليتني بمينها خاتم اصباع

فضول انا فيها لحد الثمولي

حسادنا ماني لهرجه بسماع

والله ماسمع في حبيبي عذولي

حبه بقلبي ادعه فيني ايداع

مايصرفه غيري مطرز بلولي

والله انا في حبها حيل طماع

مادام قالت ودها دوم حولي