ياوجد حالي وجد من ضاع عمره

مابين كلمه اه ياعل ياليت

من يوم غبتي صار بالكبد جمره

اخر عهدك بك يوم روحت واقفيت

يالي شفاتك حمر من غير حمره

ويالي رموشك صف جن ٍ عفاريت

غبتي ونا همي بقلبي أكره

وشربتني فنجال صدك وصديت

جاني االمرض و كرهت جلسه وسمره

وكرهت خلاني وجلسات بالبيت

جسمي نحل والحال مابه مسره

أزريت في حالي وعمري به أزريت

وجدي مثل قناص لاضاع صقره

وجد المريض لسمع قولة تعافيت

صومتني بالحب وافطر بتمره

ومن دلة الفرقي حبيبي تقهويت

علقتني والشوق مني تجره

واجر صوتي صاحبي ليه صديت

يمرني طيفك وطيفك امره

واسهر معه ل الصبح من دون ماوعيت

حبك ترى في عين شاعرك قدره

جاعل في عيني قدر مع ذكر مع صيت

دور لنا بالوصل صرفه ودبره

ولا تراني باصلك داخل البيت