ياقلم لا جيت تكتب لا تقطع بالكتابه

اكتب ابياتي بخط واضح للي يشوفه

ما ابي القارئ يمل ولا يجي عنده كئابه

خله يقرا الشعر موزونه قوافيه وحروفه

القصائد من ضميري والكتابه منك اجابه

جاتك القيفان مثل الغيث في صادق قنوفه

لابغيت القاف جاني محتزم بغلى زهابه

دام هو مني وفيني ماعلى غيره حسوفه

افتخر في هاجسي وامتن في حظرة جنابه

والجزاله بالمعاني سنها لنها سيوفه

لانصيته كنه شيخ فاتح للضيف بابه

مجلسه مليان دايم والجزاله هي ظيوفه

لاعدمته لا نخيته كنه سبع وسط غابه

مثل زيزوم الجيوش وكل ميدان يحوفه

يمدح اللي يستحق ولا هجا بعض القرابه

دايم يرجي بني عمه لما صعبت ظروفه

كل مطلق نفتخر في حظرته ولاغيابه

والردي حتى كلامه نكتمه في وسط جوفه

ان حظر ولا تغيب كن ما منا درابه

دام ماهمه سوى التضحيك ويهزهز كتوفه

حتى ون كثرت فلوسه يالنشاما وش نبابه

دام ماهو زود للابه عسى جلة ذلوفه

جعل يفدا اللي مع ربعه على عز ومهابه

ون تعزوى تفتخر به لابته وقت المخوفه