قال إبن هــبران ياطـيب السلوم

والحــميا عنــد ربعــي تــذكــرا

ياســلامي ياغــطــاريف القــروم

عـد بــراقٍ عـلى المشــرق سرى

يـابنـي عـمي لـمـا بـان اللـزوم

عزوة إبن حسين لِي شي طـرى

الغـباري يـوم وصـلتــه العــلوم

بالصـفوف وبالخـيول وماجـرى

صلب يام اللي على القمه تحوم

وإن دعى الداعي فيبشر بالذرى

مـدكم وراد مـن غـالي القـسوم

يالـكـرام أبـنـاء الكــرام النـدرا

فعلكم يـرقى علـى حـد النـجـوم

وشـاش رأسـي يابري حالي برى

وجـمعكم هـتان يـابيـض الغـيوم

وأخضرت به الأرض والذاري ذرا

ومجدكم خفاق في عالي الرجوم

في المجـره نـوض برقـة والثـرى

جمّـل الله حالـكم مجلي الهموم

كـاسـبين الطـيب سـر ٍوجـهـرا

وأحـتمـيتـوا ياقـويـيـن العــزوم

يدري أهل الجـود واللي مـادرى

صفكم يبري العليل من السقوم

وأعتزى الــوادي ولباه الشـــرى