قال الجريبي مايطير عماسه

نظمٍ يجمل كاتبه عند قاريه

من كثر ماشرهو على الوقت ناسه

ماعاد ابا اكثر عليه المشاريه

مثلي يموت ولاحنى الوقت راسه

والحال مايشكى على غير باريه

انا خذيت من التجارب دراسه

الذيب لامن ضاق يبعد مساريه

يمكن يلين الحظ مالان باسه

ويغيب زوله غير ماغاب طاريه

ادور الطيب بطيب وحماسه

واللاش لا ابيعه ولاني بشاريه

الله وهبني في حياتي فراسه

وللبحر سباحه وللقوس باريه