العز باارواح الرجال وتشتريه بمالها

والخيل في ناصيّته معقود خيرٍ سرمدي

وان جيت أفاخر بالجدود الجد الاول قالها

في العَدّ زايد من سلايل يام والجد اسعدي

والنعم كايد يا علي والخيل من خيّالها

حنّا معذّبة القنا والعيس نحديها حدي

حنّا مثل دخفة تعلّت فوق روس اجبالها

ياهيه ما فينا جبان ولا خِلِق فينا ردي

عُرّاف وان جات العَيَالة كلنا عِيّالها

وفي طلبة الله واصلين وفي حروف الابجدي

متسابقين في المراجل والسفاير فالها

وان قنبعة نارد احياض الموت دِرهام و عَدِي

والضيف ينشد عن ارضيّة طاب له منزالها

يلقى الذرى يلقى الغدا يلقى الطلاقة الاجودي

يلقى ارضية جوهرة صيحان في جمالها

مكانها شرق الثريّا او جنوب امن الجَدِي

دارٍ لنا مذكورةٍ كلاً رعى في جالها

يشهد لها التاريخ واللي عرفها يشهدي

وان قيل يا لاد الفلاح وقيل واين ارجالها

يِبْشِر بنا اللي ضامته دنياه حاديته حدي