من جحد فعل المطاليق وارباب الجميل

‎جعل امينه ماتقلط على ثراب الشحم

‎عده الفنجال ياللي تصبه كل ليل

‎والله مايستاهله لو تعنجر واحتزم

‎ان زهمته في لزوم غدا مثل العليل

‎وان سمع بمناسبه جالها لو ما انعزم

‎وان بغا له حاجة جاك ملسون (ن) ذليل

‎وان تغانا ماتهزه مواقيف الزهم

‎مايسرك في المساري ولا وقت المقيل

‎والله ان مكانته بين رعيان الغنم

‎جعل يفدا اللي يدور على الفعل الجزيل

‎وان بدا الشان ارتكز مثل مركاز العلم

‎تزتزيد به الرفاقه على نهج ودليل

‎وان هرج في مجلس كل منطوقه حكم

‎فزعتة لما فزع تبرد القلب الغليل

‎وكل موضوع سعى فيه حله وانحسم

‎مثل ابن محسن علي ياعسى عمره طويل

‎شامخ وشيخ فعوله لها باع ونسم

‎من آل سالم ترثة العز مزبان الدخيل

‎كاالجبال اللي تذري وشامخة القمم

‎اشهد انكم يال سالم كما السيف الصقيل

‎كل قرم قالها والوصايا في الذمم