نطلب الله يقمع المعتدي وجنوده

والدعاء المقبول يدفع شديد الباسي

عد ما هل البرد من زعيع ارعوده

يا سلامي يا آل مطلق عصابة رأسي

الحزام إللي ينوش الهدف باروده

عدته شباب حارق ضليع الراسي

الجدود الجوخ والجبخان افهوده

والقنا والرمح والمنقله والطاسي

والمقمع والفتايل شمام الجوده

والغنايم سموهجن ونقو أفراسي

والشباب من الطراز الوفي بوعوده

ناقلة مخف اللهب كامل الترباسي

وكل رجل عنايته ما بنوه اجدوده

في مجال الصدق والطيب والنوماسي

يوم كل ف العوايد يعرف احدوده

ف المسير وف المشوره وف المجلاسي

والثقه حيه وبين العرب موجوده

والقلوب نظاف ما أصدت من الوساسي

والرفيق الذرب ما يغتنم منقوده

إلا ناقص عقل ولا عديم احساسي

والحياء ف الوجه والمعرفة مقصوده

والوفاء في كل ماجوب شرط أساسي

لكن اليوم الرخاء والثقه مفقوده

والعرب شتان في مختلف لجناسي

كل من عز العرب في غوير الحوده

والثقة تنعى العروبه بدون ألباسي

نشعب الزلبات وأنظارنا ممدوده

للمراد ومرجعه من طلبنا ناسي

ومن ترجيناه ما سرنا مردوده

ومن توسطنا به أكد لنا الإفلاسي

والمداخل من حشود الحسد مسدوده

والمواقع من كرام العرب دراسي

والضمير المستتر ما نعرف اصيوده

والضمير الحي حذفه من الحراسي

ترجع الزلبات وأعصابها مشدوده

والحلوق من الحكي ف الفضاء يباسي

في البحر والبر كل يقوس بعوده

للبحر غطاس والبر له جساسي

يوم بن عم المصيح يشد اعضوده

ما خبرنا الخور ياتي به الطلاسي

جدنا مطلق وخير البدود ابدوده

من وقايع صلب جدي يطير اعماسي

وآل درهم درعنا إللي تربع ذوده في

الحدود العايده للحريب القاسي

من وعيل هشام مذكر وصلب اعدوده

يام بن يصبا بن يعرب قطيب الساسي

سيرة الطيب المعتق وطقم بنوده

تصقل التفكير وتهذب الهوجاسي

عوده وكمبوده وطايفات اوروده

ما تليق إلا بحضرة كبار الناسي