عقب نص الليل والعالـم نيـام

يوم غاب البدر والنجـم انفلـت

وابتدأ يأسـي يخاطبـه الظـلام

أقبلـت ولاَ ظـلام ولا أقبلـت

لا أقبلت تمشي تقل قطعة غيـام

توفي لوعد الضعيف إلى أبتلـت

وبعد ماجتني وقالت لـي سـلام

وهمست لي تعتذر لـو طولـت

قمت ارحب و أتلعثم في الكـلام

وابتسم ودمـوع عينـي هملـت

واتأمل هل صحيـح انهـا …..

او عيوني من رجاهـا حولـت

قالـت إلا انـا وفكـت اللثـام

من سناها غيمت الليـل انجلـت

نتبـادل همسنـا وجـد وغـرام

والسوالـف بيننـا مـا كملـت

لين ذكَرنا سوى سجـع الحمـام

والبلابـل للشـروق وبلبـلـت

التفتـنـا كنـنـا نـيـم قـيـام

وان نور الصبح والشمس اعتلت

ماحلا هـاك المـوادع ياسـلام

الغصون من الشجر له ولولـت