يا علي باوصيك 399 يا علي بوصيك بالطيب دايم عن الوطا شرف براس العدامه انهج على نهج الجدود القدايم اللي لهم في المجد ذروة سنامه خلك على الشدة قوي العزايم الله يوفقك السعد والسلامه بعض الشباب اليوم فيهم هلايم وفيها رجال تستحق الكرامه من كان للطولات والعز شايم ياجب علينا حشمته واحترامه احد تحمل بردها والسمايم لا طاف تجنيده ولا أهمل دوامه المرحلة تبغي قوي اللزايم واجب وطن للي براسه شهامه هذاك يرم ما تجيه اللوايم بعيد عن درب الردى والملامه من دنقت نفسه لجمع الخمايم أنا بشيره بالفلس والندامه يا عل صبي ما يجي بالغنايم يبكيه أبوه ويفقدونه عمامه يا حيف بالفرحة وذبح التمايم وكد عليه الين طالت عظامه عزي لبوه اللي له الحمل ضايم من ثقل حمله صار صعب مقامه ما يذكر أصحاب الحكي والنمايم أهل الكلام اللي تغير نظامه اللي يحطون الصغاير عظايم تجعل لك العصفور مثل النعامه عليك يطرون العصور القدايم ويقومون اللي رقد من منامه ركابهم ما تنقل إلا الشتايم ومن قال قول حرفوا في كلامه لا جيت للحفلات وأهل الولايم تلقاه معهم ناقلين طعامه بالليل سهران وبالصبح نايم ليته توفى ما بعد جا فطامه لا فرق من بينه وبين البهايم مادام لا صلى ولا أحسن صيامه دايم وهو في البيت مثل المهايم متهدم وجهه ورخوا حزامه لا تامنه يجلب عليك الجرايم لا تحط له عندك محل وقامه
ملحمة نجران