عرضه (صوب أهل يبرين) 614 يالله يا منشي حقوق المخايل يا ولي ما ترجيت غيره يا مغيث القاع عقب المحايل بالحيا تضفي على كل ديره منه تمشي الاوديه والمعايل ومن هل الديرة يجينا بشيره دار من تنطح شباكل عايل دار منجين الجواد العثيره يوم جر الشيخ كل القبايل صوب أهل يبرين واصل مسيره ويم جا بالحضر والبدو صايل ما ارتهقنا يوم جانا نذيره غاير يبغي كبار الشمايل بيتخير كل ملحًا ظهيره همل البيرق وخلا الاصايل عقب ما قاقت عليه الجزيره دبرت خيله وشد الرحايل والرجال من الطمع مستخيره من إشريق إلين جات القوايل واشهب البارود مثل السعيره في نهار بد الايام هايل أظلمت شمسه وهي في سفيره كل من هو بالفراعه مفايل ضاعت أفكاره وكل البصيره جات حزة صادقين الفعايل بالجنابي والسيوف الشقيره انتخوا بمصقلات السلايل عقب ما نجحت بقايا الذخيرة ما رضوا بالذل لو هم قلايل قالوا الذلة علينا كبيره دون ستر بيوتهم والعوايل فعلهم تعتز فيه العشيره كله لعينا صخاف الشوايل والضعيف اللي ذراعه قصيره كل مضيوم عيونه تخايل واقف ينثر دموع غزيره خلوا الجبة بها الدم سايل من رجاجايل وخيل عقيره كل شغموم ويابس بلايل بان فعله في وجه المغيره عقب ما راحت عليهم سحايل كنهم صيد تقاف ذويره زعردوا بالوصت سمر الجدايل عقب ما راحت عليهم كسيره
ملحمة نجران