فكرت بالدنيا 475 يالله يالمعبود منجي دخيله يا فارج الشدات عند اكترابها تغفر لعبد ما رجا فضل غيرك ورحمتك دونه لا تغلق ابوابها فكرت بالدنيا وريت العجايب الله يكفي شرها وانقلابها هذي السنين اللي كفا الله شرها فيها المصايب كلها ينهقا بها ياهل السلوم الطيبه راح عصركم دنيا السعادة عنكم اقفت ركابها امشوا مع دنيا علكيم تكدرت وعيشوا مع ناس قراها هبابها لا تقول أبوي فلان وفلان جدي ذي حجة راحت وراحوا أصحابها ولا تسولف في المجالس وتفتخر وتقول جدي كل دار غزا بها هذا زمان فيه دورة معيشتك أمن عيالك فيه واحفظ زهابها الناس في هالوقت ما ينوثق بها كثرت خيانتها وكثرت كذابها أبناء العروبة مرخصين بضاعة ما يرغبون البيع والمشتري بها الصدق هو ويا الوفا والأمانة بالسوق بارت ما حدا اعتنابها وخذوها رجال الغرب شرق من الضحى واقفت وهي تبكي وتزهم شبابها وتنخي الخلفا الأربعة في غيابهم وتقول وين اللي عريب انسابها تنخي الرجال اهل الوفا والشهامه وتندب وهم ما يسمعون انتدابها اللي حموها بالسيوف الصقيله خاضوا معاركها وقاسوا صعابها أخير خلق عاش فوق الطبيعه يا ليت الأرض تشيل عنهم ترابها يا للأسف كبرها من خساره حياة بهالحال وش ينبغي بها من عاش بالدنيا بليا معزة امسي حقير عيشته ما اهتنى بها ومن حب قوم دينهم غير دينه مشى مماشي دينهم واهتدابها نمنا منام اللي غرق في منامه نومة عليل علته ما درابها والغرب فازت بالسلوم الحميدة خذت الأمانه وامنحتها شبابها من مكرهم فينا وضيعة أفكارنا نعيهم السلة ونقضب جرابها كل الأمم عاداتها ما تغيرت وعاداتنا جاها عدو غدابها تهنا عن الدين الحنيف وغدينا مثل الغرب وسيرة له مشابها وقصوا علينا الغرب حتى عطونا مكاسب ما هو يعز اكتسابها خذوا عوايدنا ومنهم أخذنا ما فسد الأمة وكثر خرابها كل الفساد يقدمونه إلينا وإلا العلوم الطيبة هم أولى بها ما غير الله ما بقوم خلقها حتى تغير نفوسهم كل ما بها كل الأمم هذي نتايج رحيلها فسادها في الأرض سبب ذهابها وصلاة ربي عد ما ذعذع الهوى وعداد ما هل المطر من سحابها على محمد صفوة الخلق كلها اللي قوانين العدالة مشا بها
ملحمة نجران