يابن شوصا ارحب تراحيب غالين الضيوف

يا ولد ناجي عديم الوصايف في العرب

ولعمّك الغالي مفرّح تراحيب أُلوف

وللابة ال البيد للحِفّ عجلين السبب

ياولد شيخ (ن) يِمَضّيك فِعْله وامْعَروف

اشهد انك يابن ناجي عريبٍ في النسب

والله ياعبدالله بمرالله ما تخطي الوصوف

إنْك تلزم ملزم العَوْد لي بان الوَِجَب

أنت وأخوانك وربعك على العليا وقوف

لابة ال البيد للحِفّ عجلين السبب

القروم اللي قضوا دينهم في دار خوف

الفهود فهود من جَت مخالبها عِطِب

يا معاصير الدول ياالحراب وياالسيوف

فزعة المظيوم لا من عوى ذيب وقَنَب

اثني الترحيب وازيد مليونه ألوف

وارفَعه في قافي اللي يحضّر في الطلب

وآخَدِم ربعي لمنْها الْتقت جمع الصفوف

خُبرة (ن) تعجبك لا والله وفوق العَجَب

وعند ابو ليث التراحيب بِعداد القنوف

من قِسِمْ له خُوّة الذرب يِبْشِر بالشِّبَب