اصخر القيفان وامدح بقولي و احتميه

الكلام اللي يجمل و عقلي مستوي

صوب دار اللي مساوي مع شعبه ذويه

صامل الوقفات سلمان حاكم وحموي

المليك اللي تملك قلوب تهتويه

يضرب بسيفه عداهم و سنع من غوي

وباسم من دكوا مغارات سودان الوجيه

حوثةٍ تبغي السلامه وحن نشوي شوي

صلب جدي يام يايام بيضان الوجية

يام تثني واجب الضيف وتعزّ الخوي

يام بن يصباء حزامي هل الراي الوجيه

يكسرون عزوم من جاب رايٍ ملتوي

يام من غثرب مشاريبهم تبّت يديه

يام ضلعٍ دون مرقابه الذئب يعوي

الجناب الدمث ، والخُلق ، والعرض النزيه

ميزةٍ منها مناهيل من حظّه قوي

والعقيدة ، نور حقٍ ، مواردهم عليه

عيلمٍ من ذاق من ماه صدّر مرتوي