تعودت مبدا الرجم صبح وعصريه

وعيني من الدمعة خذت حقها وافي

إلا جيت بخفي الحزن بانت مواريه

ودمعة عيوني بينت حزني الخافي

اجامل مع الخلان جوزا معذريه

وكل الجروح أكنها بين الاجنافي

وكني مريض ما يبين مشاكيه

يجامل مع الزوار ويقول متعافي

مريض مرض قلب وعيني شقاويه

ومبطي وأنا من لذة النوم متجافي

وقلبي حنون للديار الجنوبيه

وطول البطا ما غيرت حبها الصافي

ومبداي في عرق تعنكب ذواريه

هو أحب من قصر بني قرب الاسيافي

هل الجوب ذكروا ربعوا في ضواحيه

وقالوا غواميس النخل عشبها زافي

وحلوا هل الزيدان عند الرماديه

وخذوا في جناب الغرس مشتى ومصيافي