تجبرت بالله عقب فرقاك يـا نجـران

حدوني على الفرقـاء ولانـي براعيهـا

حدني الزمان أدور الرزق في الصمـان

وبين الكويـت ونجـد رجلـي معنيهـا

أنا يوم ريت البرق باسـم الله الرحمـن

تهاوت ظلوعـي والسبـب واهـج فيهـا

تعبرت والعبره تسيـل مـع الاشجـان

علـى ديـرة جعـل الهماليـل تسقيهـا

يا قلبي الميلاف خطـر يجيـك جنـان

صروف الليالي مـا معـي حيلـة فيهـا

ولا تحسب ان الليل يشفق على السهران

ولا تحسب ان شكوى جروحك يداويهـا

ولا تحسب ان الليل يشفق على السهران

ولا تحسب ان رجلي على امرك تقديهـا

ولا تحسب ان الليل يشفق على السهران

ولا تحسب ان الـدار ترجـي مهاويهـا

سلامي على بنت الغظاريف من همدان

هنوف علـى بيـض المزايـين مغليهـا

والله لولا الحياء لا قول حبيت بنت فلان

خـوف الهدانـي عنـد مثلـه يطريهـا

غزال تشعشعني على ساقـة الغـزلان

عليها الوقار وقانـص الصيـد يرميهـا

حرير مجدلهـا تحـدر علـى الامتـان

عليـه الهواويـه تـطـرح معانيـهـا

ولا مثلها في البيض مقرونـة الحجـان

وسحر الهـوى بعيونهـا عـز واليهـا