مهذل

يادايم السيف المطر

له رواعد

والسيل ينحت كل عالي

علي جرف

والقصر مايحمى بسبك

القصايد

تحميه حيطانن تسيس

علي عرف

والطلحه اللي شوكها

في تزايد

لابد مايحفر علي العرق

وتجف

اسلافكم للدار حطو

قواعد

وانتو جعلتو سقفها

كل ما خف

امنتو اللي همهم

للفوايد

حطو النظام وكاتبينه

علي الرف

من شمر الثوبين شفتوه

عابد

واعطيتو اللي قسمه الحرقده

خلف

كم سهرونا وانت بالليل

راقد

ولا صحيت الا علي الطبل

لي دف

ياما سجنا دون قاضي

وشاهد

وياما ضربنا لين نور

البصر كف

كم واحدن في فكرهم

كان زاهد

يجلد يلين الراس ينزل

علي الكتف

ذنبه علي شانه رفض

مايجاهد

ويقول قايلهم تولى

عن الزحف

كم مهرتن خيالها في

الحدايد

وكم حرمتن تصفق

على الكف بالكف

يمسي البري يجلد

بجمر تواقد

ويصبح قد اكفانه

علي جسمه تلف

هذا كلام مجرب غير

حاقد

ربعه يلا هبو مثل هبت

الشعف

ربعه ذراكم في الليالي

الشدايد

لي غيم البارود ريحه

لهم شف

لي ضاقت الايام فلنا

عوايد

ناتيك في الضيقات

صف ورا صف

لان العهد في سلمنا

له شواهد

ولاحن بمن يطمع

وهو كان قد عف

صديقنا يشرب من

الدر بارد

وعدونا نسقيه دم

على شلف