ؤ

طلعوا على متن السماوات ببـروج

عذبت رجلي في المجي والمراحـي

ياطول ما تعبت ونا اسوجها سـوج

دكت مشاريعي هبوب الرياحي

وأخر مشاوير العنا صرت مدهـوج

معلوم انا حظّي تردّى وطاحـي

لولا رضاي بقسمتي طحت مفلـوج

ون صحت ماهم الخلايق صياحي

وباب الفرج توّي مقفّـل ومزنـوج

يالله ونا طالبك تطلق سراحـي

عبدك على بابك ذليل ٍ ومشهـوج

رزقك ولا رزق العبيد الشحاحي

صار يتحكم في العرب كل خجخوج

ليل الدجا يتلاه نور الصباحـي

وذل الفقر لابـد ينـزاح ويمـوج

يالربع مكنوني على الناس باحي

للحب في قلبي حكايـات وهـروج

انا ذبحني حب ظبـي البياحـي

والله ما مثله من البيـض عمهـوج

ماعاد في قلبي لغيـره فساحـي

ابو دليـق ٍ كنـه الليـل منسـوج

سحر العذارا في لذيـذ المزاحـي

والموت كله سلهمت كل مدعـوج

ياموج ماعنـدك كلام(ن)تقولـه

طال السكات ودلهم الليل يامـوج

أسهر مع اللي يسهر الليل طولـه

حاله دنيف وخاطـره دوم مزعـوج

أشكي على الصبيان روحي زعوله

مـن ديرة(ن)هلهـا فلبين وزنـوج

قلبي غدى والليل مرخي سدولـه

أبـو حمـد ياخـوي لاموت مفلـوج

فرقا الوطن ماهي بذيك السهولـه

كم واحد(ن)يصبح من البعد مرجوج

نجران دار العـز وأرض البطولـه

وانا دمـي بتـراب نجران ممـزوج

يام(ن)سلاطيـن ونجـران دولـه

مجد(ن)على متـن السموات منسـوج

قالوا تغرب كان تبغـى الرجولـه

الله كريـم وبـدّل الفج بفجـوج

ماهمهم قلب(ن) تناهـض حمولـه

كنـه بحـد الحضرميات مسـهـوج

ليصارت الرجله بكثـر العمولـه

ضيع سلوم القبيلـه كل خجخـوج

عمري وانا في غربتي ويش هولـه

اخاف لا يمضي علـى غير منتـوج

والله وسيدنـا محمـد رسـولـه

اني غديت اشكي همومي على الموج