يالله يالله ياللي تعلم النيات والغيب

اغفر خطا العبد لامن مال حمله بالذنوبي

وافرج لمن شاب راسه من قبل طرافة الشيب

من بعد ماغرته دنياه والوقت اللعوبي

لامرني هاجس في البال عديت المراقيب

وامواج فكري تصافق بي مع صلف الهبوبي

اسري مع النجم لادبح بالسما واعوي مع الذيب

واضوي مع الليل لادنى واسدلت شمس الغروبي

كم من طريق فلجناها ولقتنا المشاذيب

وكم ركب هجن نقدي له مع كود الدروبي

وكم علة ماشكينا ضيمها بين الاصاحيب

وكم هم ليلٍ يطيش بنا مثل طيش العزوبي

لكن على الله متى تصفى لنا كدر المشاريب

حتى نورد ركايبنا على عدٍ عذوبي

لكون ماني التهم خاطي رفيق ساعة الريب

من يرتكي للحمل ويعيل لاشبت شبوبي

شروا شجاعٍ يشاري للجماله مع هل الطيب

حر قطامي على الجزلات ضاري ومحسوبي

تدور الايام بيض وسود وتدور الدواليب

لاني بسالي ولاقلبي مثل خضر القلوبي

يجذبني الصوت لامن هجرعت حرش العراقيب

ولا بروق على داري وانا شفي جنوبي

لاهملت فوق نجران بلد عكف الاشانيب

ديار يام بني عمي مقابيس الحروبي

بيوت شعري تسليني ولي منها مطاليب

غيمة شعر تمطر الجزلة على جاش جدوبي

تمدح قروم تسد النب لاجات المواجيب

وتجنٍب اللاش لو يلقِح فعوله بالكذوبي