أبكي على ربعٍ 334 ذكر على العين الحزينه همومها ذكرى ديار ما حيات رسومها عين بكت بفراق قوم تعزهم أهل العقول الطيبة ما تلومها ما جيت من دار تذكرت ما مضى ذكر الرجال اللي تنومس علومها وناديتهم لاشك ما اجابوا الندا وارفع لهم صوتي بعالي حزومها وبكيت لكن ويش ينفع به البكا نفس غدت الأيام باخيار قومها قوم تحلت بالشهامة وبالوفا وكل السلوم الطيبة من سلومها بكيت من دنيا علينا تغيرت وايامها كثرت علينا ثلومها إن كانت الأيام هذي سواتها لا خير في باقي حياة تدومها كان السنين المقبلة ما تغيرت وش عاد حن له ناطرين قدومها ما ينطمع فيها ولا في حياتها وينباع باقيها على من يسومها أبكي على ربع تقافت رحالها اللي قواً عند الشدايد عزومها وصار العوض فيها نسول تخلفت ناس زعلها دايم في خشومها يا للأسف والله ويا خيبة الرجا جعل الليالي ما تمهل بيومها قوم تحرم للمساجد دخولها وأيام شهر الصوم ما هي تصومها
ملحمة نجران