إلا جيت بدله 799 إلا جيت بدله زيد مريت له تذكار وفي كل وادي مداهيل ومراحي تقارب حضايب عبرتي يوم جيت الدار وشفت الرسوم المبطيه بعضها ماحي غدا الجو كله عقب ذيك البيوت قفار ولا فيه ممسي لي ولا فيه مصباحي خذت جمعة العين الحزينة لها مشوار وخاويت هاجوس العنا طول مرواحي تغير اسلوبي واختلف عندي المسيار وكثر الهواجيس اخلفني وأنا صاحي وطاني زمان ما يجامل به الصبار زمان يخلي خافي السد ينباحي وصارت عيوني ذا السنة بالدموع اغزار وكثرت معي احزان من عقب الافراحي
ملحمة نجران