يالله ياللي كل سراً تعلمه لو مايقال

الواحد الفرد الصمد سبحان رب العالمين

مافيه غيرك يااله الخلق جاوب لبتهال

إذا دعاك العبد وافرد راحة كفوف اليدين

يارب جملني وثبتني على نظم الجزال

ماني براعي الهايفه ولا بسيد العارفين

الموقف اكبر من الشعر مادام صادفني المجال

والفرصة اغلى من الذهب عند الرجال الحاضرين

يامرحبا حيوا معي رمز الوفاء والاعتدال

أميرنا الشهم جلوي يوم الخبر يصبح ثمين

جده مساعد ياجعل قبره من الوسمي مخال

في معركة حريملاء شهيدها علمٍ يقين

وابوه هو عبدالعزيز سمي ذربين الفعال

عيال عم معزي الفاتح بجيشه لربعين

الملك لله ثم هل العوجاء يقال بصوت عال

ثم اصبحت داري ذراء وامان كل الخايفين

نحبكم ي ال السعود ألين ياتينا الزوال

يا ا كرم ملوك فعلهم يذكرعلى مر السنين

في موطن يكفي ثراه اختاره الله ذو الجلال

مهبط وحي منها يشع النور بالحق المبين

مبدا التسامح والتعايش دون تفريق وجدال

نهج(ن) عليه يسير قايدنا زعيم الأمتين

سلمان يارمز العطاء والخير دايم كل حال

هداج تيماء كم عطى يتمانها والمعسرين

لماعطت يده اليمينه مادرت عنها الشمال

عطيته يصخي بها في كل وقت وكل حين

ويارايح النسناس بلغ من لهم قدر وفال

ازكى سلام فيه يشمومٍ وفل وياسمين

لمحمد النايف عريب الساس من جد وخوال

راعي الأمن والداخليه درعنا الحصن الحصين

محطم الارهاب والتخريب داعين الظلال

لين اصبحوا أذلة (ن) باصقاعها متشردين

والى ولي ولي عهده للنصر والعز نال

تشهد له حدود الوطن في معركة متمردين

نعيد حق مغتصب للجار وندوس الرمال

وعلى السواحل والجبال الشاهقه متمركزين

واعيد وارحب بمن تنساق له شقر الدلال

برية(ن) فنجالها ألذ من ماء الرافدين

بين الجموع اللي ولاها فاق حِدان الخيال

من ضيقة الخطين شرق وغربنا مفرق ضبين

جينا نرحب وأنت راعي الدار ياسمح القبال

جعله يدوم بك البقاء ياسيد الجود الأمين

بسم المحافظ والأهالي دون شك وإحتمال

ترحيبنا وجهودنا مع الرجال المخلصين

نبني وطنا تنميه في الشرق ولا بالشمال

سواعد تبني وتحمي دارها من الحاقدين

والحمدالله مانخون عهودنا ب اول وتال

عهودنا وحدودنا نبقى عليها قابضين

يامية أرواحنا بنسومها عند القتال

وإن صاح شبرا من الوطن لبيك ياارض القبلتين

ياميرنا ذا طبعنا لو كشرت سود الليال

أي والله نحن بالسعه والضيق دوما جاهزين

وإذا سمعنا هرج من يبغى لها وضع اشتعال

نحط طين (ن) في اذن ونحط في لخرى عجين

يعني سيوفٍ في الوغى وحزام مافيه إنفصال

عند الشدايد نرتكي والقاسي القاسي يلين

وياسيدي كل القصايد من غلا شوفك تقال

لو يختلف شعارها وبحورها والمنشدين

غير أنها تاصل غلاكم لو نضمناها مُحال

بعض المشاعر كامنه بقلوبنا ماهي تبين

وبعض القصايد تفتخر في ذكر وافين الرجال

وقصيدتي يكفي إنها تفخر بذكر الحاكمين

إلى هنا ختمتها من طيب راس وطيب بال

واستأذنك ياراعي الجودات والفعل السمين

إذا سمحت اصافحك يااميرنا في الأحتفال

أكبر فخر لو صافحت يمناي يمناك اليمين

هذا وصلوا عد ماهل المطر والسيل سال

على الرسول الهاشمي افضل وخير المرسلين