الديره اللي يشوق القلب مسراها

ياللي سريتو لها تكفون سروني

الصدر ضيق وعيني نثرت ماها

لاتتركوني ولا تسرون من دوني

الهم والحزن والتفكير واقواها

الشحنه اللي تبيح كل مكنوني

تقلط علي كل ليلن ثم تلقاها

دموع عيني وكان الله في عوني

سبايب اللي ذبحني يوم فرقاها

قفوا وهلت عيوني يوم خلوني

وادعتها والعباير تقطع حكاها

وقمت اتحسب عليهم يوم بكوني

قفوا بها للضحئ وانا اسمع بكاها

ودقيت صدري من الضيقه ومغبوني

اناحسب انها استوت يوم الله اسواها

يالين شفت الحظوظ اتسوقها دوني

اثر الليال اتحسبنا ماحسبناها

قامت تختل وتسرقنا علئ هوني

وغارت علينا محاذفها بيسراها

ورحت انقل جروحها واداوي طعوني

القلب عيا يعيف اللي تمناها

ياعاذليني كفايه لا تعذلوني

ماحدن ملا عيني ومحدن بيسواها

والله ماخون العهد والكاين يكوني