يالرايه الخضـراء على العز تبقين

ويعيش شعب المملكه طول الأزمان

روحي فدا لأرض الوطن قبلة الدين

فـوق المـعاني ياوطـن حب وإيـمان

ترقى وتشـمخ فـوق كل المــيادين

وقلـوبنا خـيل و ولائنـا لك عنــان

ويوم النداء نكسر صفوف المعادين

دون الوطــن رجليه وجمع فرسـان

في ظــل أخو نورة زبون المــخلين

خــادم بيــوت الله في كل مـحيان

سلــمان ومـــحمد زحــولٍ ميامين

عزوة هل العوجاء من الشـام لعمان

وشعـب الجزيرة كـله يسار ويــمين

جيـش وقبايل كأنهم السيف شامان

قلته وأنا من يام في الحرب صلفين

وفي السلم والمــدات ذربين الأيمان

وعيال شايب ماغدا الصـف صـفّين

والـروح نجلبها عـلى حـد نــجران

ولا نــبالي في هــروج المـقـفين

للــحف نـد وللمــوالين صــدقان

و وجـيهنا بيضاء رغم ناعق البين

ولا ظهـــر فيـنا جــبانٍ ورديـــان

رفقة ضعــيف الحيل بابيعها دين

وأكسب صليب الرأس خطوا بليهان

على شجــاع ونــايف العز عزين

والطيب ورث جــدود ماهو تمـدان

مبروك وبيوت الشرف تعجب العين

عنـز على دكـمان والـجد هبـران

واللي تعـــزوى للمــعادي بـحدين

ياصـلب جــدي ياذرى يوم الأكوان

وأنا الغباري مسندي عزوة حسين

تاريخنا من حد صـنعاء لصيحان

ورث الجدود اللي مـلوك وسلاطـين

من زايــد الخيـرات وألغـز مزبـان

قلت القصيد وغايب الشمس بيبين

على القمر والفرقدين الضحى بان

وصلى الله وسلم على نصرة الدين

الهاشــمي وآله مـصابيح الإيــمان