انا كل ماسجيت جا بالفكر طرياك

واغني واصوغ القاف لوماهوبودي

واراقب نجوم الليل واسهر على ذكراك

وتسري بي اشواقي مصمم ومتحدي

وانا ياوليفي ويل قلبي على لاماك

وويلي على ضمت يدينك على يدي

جذبني هواك العف والطيب في مجناك

وسحرني سواد عيونك وبارق الخدي

وتولعت في حبك وسقت القدم لرضاك

وعن غيرك من البيض قلبي اعلن الصدي

فنا ادري تنشّدّ عن علومي ومايخفاك

وانا ادري متابع يالغلا جزري ومدي

وانا ادري العواذل نبتهم في الطريق اشواك

يجي نبتها من بين الازهار والوردي

فلا تحسبّ اني منك بسج ولاانساك

ولاياخذك قولت حسودن ومتردي

حدتني الليالي العوج من شوفك ولقياك

وصكات بقعا والزمن واقفن ضدي

وذي عادت الدنيا وذي دورت الافلاك

تومي بنا الايام والكل مستدي

ويبقي الامل شمعه تنور بها دنياك

ولولا امل لقياك لاابيّح السدي

فلابد ماتصفى المشارب وانا عيناك

وتارد ركاب الشوق من صافي العدي

وان طالت المده وشح الزمن بلقاك

فخذ العهد مني وعهدك على عهدي

اني ما لاحي الورقّ من فوق غصن الراك

ولانيب قايل يابري حالي ووجدي؟!!

وتذكر كلامي يالغلا كان ربي احياك

على شاشة الذكرى بالابيض ومسودي

عهد لااصلك واحط يميني وسط يمناك

واقول هذا الشوق طايش ومتحدي!!!