الـنـاس لامـونـي وأنــا ماعـلـي لــوم

في حب عمهـوج مـن البيـض عفـرا

لـو انهـا فـي مـدت الـفـرس والــروم

لعبت بقيصر وأسهرت عيـن كسـرا

يلومـنـي مــن لاجـفــا عـيـنـه الـنــوم

مـن لايجـاذب دمعـتـه كــل عـصـرا

ماهـو بمثلـي مـن زمانـيـن مضـيـوم

ليل صويب وليل من ضمن الأسـرا

أقرا مواضيع أمس وأكتب عن اليوم

وان حد نشدني قلـت لكتـب ولا أقـرا

حـب النقـا راعيـه بالصمـت مـلـزوم

وأنــا بـحـال الـحــب وأخـبــاره أدرا

وجدي على اللـي قربهـا غايتـي دوم

الـلــي تـلاوعـنـي بــصــد وهــجــرا

الـجـادل الـلـي حـبـهـا ســـر مـكـتـوم

ورمـــوز قـصــة واقـعـيـة وذكــــرا

في صمتها الراهب مواضيع وعلوم

تلهيك عن باقي المواضيـع الأخـرى

جمالهـا عـنـد أجـمـل الخـلـق مـعـدوم

وموصفه شمس علـى وصـف بـدرا

مثـل الهـلال حجابهـا كـنـه مـرسـوم

والـخـد بــدر والـجـعـد لـيــل غـــدرا

والعيـن بحـر عـازل قـوم مــن قــوم

لبسـو الـسـواد ومحتضـيـن للمـسـرا

وخـاتـم سليـمـان بــه الــدر مـخـتـوم

والشـفـتـيـن تــقــول وقــــاد جــمــرا

والعنـق سلـه هنـد فـي كـف زيــزوم

طـلاب ثــار صبـحـوا الـقـوم فـجـرا

وعـقـد تـلامـع بــه قنـاديـل ونـجــوم

وتفاحـتـيـن فـــي بسـاتـيـن خـضــرا

ملهوفه السرجوف والـورك مزمـوم

كـنـه يـعــوذ فـــي الـجـدايـل ويـبــرا

والفخذ بغدادي على الوصف مبروم

تصـفـق علـيـه بكـفـهـا يـــوم تـــزرا

خضابها يوصف على جيش مهزوم

قـفــا ورايـاتــه مـــع الــــدم حــمــرا

بالهون تنخطر علـى الـدرب وتهـوم

مـغــرورة طـفـلـه ثـمــان وعــشــرا

تقعـد لهـا الدنيـا عـلـى ســاق وتـقـوم

وتمـيـل معـهـا مـيـل شــراب خـمـرا

تسيبـك تستسيـرك ترميـك بسـهـوم

والجـرح منهـا صـايـب لـيـس يـبـرا

لـو شافهـا الـلـي لا صــلاة وصــوم

رتـل عليهـا سـورة الشـمـس جـهـرا

هــذا وأنــا هيـمـان هـايــم ومـهـمـوم

ولهان لا أتصبـر ولا أطيـق صبـرا