الله يالمطلـوب يالفـرد الصـمـد

يالـي رقيـب فـوق الامةعـالـي

ياربـي اللـي لا إلـه غـيـره

ولايمثـل بـه عـلـى الامثـالـي

ياخالق الشمس المنيره فـي السمـا

فيهـا الكواكـب زينـة وهـلالـي

ياخالق الـورع الصغيـرورازقه

وياراحـم العـود الكبيـر البالـي

يالي لمـا ضاقـت علـي فرجتهـا

يـاوارث الدنيـا تـروف ابحالـي

ابن الغليسـي مـن تهيـض بالغنـا

مانـي بدابــوج مـديـم سـالـي

سوالفي تبقى كمـى نقـش الحجـر

يبقـى لهـا دور مع الاجيالـي

برقت حتى في الرجـال وطبعهم

وعينتهـم ياهـل العقـول اشكالـي

منهـم كمـا زمـل ثقيـل شيلـهـا

تصبر على نقل الحمـول اجمالـي

ومنهـم كمـا حشـو قليـل حيلـه

يتـرك نهـار الشيـل مايحتـالـي

ومنهم كمى عفش يسمـى الضايـن

متروك فـي ضمـه ولالـه والـي

ومنهم مغاويـر لمـا جـات الفتـن

شجعان لي جات الحروب ابطالـي

ومنهـم هـل المعـروف ماينسونـه

اهل الصخـى مايذخـرون المالـي

ومنهم صدوق لـي هـرج بالسانـه

لما حكى ماقبل بابطالي

ومنهم علـى كيفـك قـوي باسـه

شيـن الـى دبـر وحسـن اقبالـي

ومنهم سموت وكـل شـي عارفـه

ماهو بلجلوج كثـيـرهـوالـي

ومنهم قصير الشبر عنـد الحاجـه

لايطـول بالـجـوده ولاينطـالـي

ومنهم قوي العزم لي جات الحمـل

مثـل البليهـي للـعـدل شيـالـي

ومنهـم ردي مـايـرد خسـارتـه

ياحيسـفـى ياقولـتـه رجـالـي

ومنهم قليل الديـن مـزري والـده

ياعل روحه لنتهى ماطالي

ومنهم علـى ماقـال رجـل وافـي

الناس في جال وهـو فـي جالـي

فيا عايض أوصيك وأحفظ وصيتـي

أوصيك ياروحـي عـداد خصالـي

أحفظ وصاتي والوصايا في الذمـم

أوصيك يوم انت الحبيـب الغالـي

أن كان تبغى المرجلة توفـي بهـا

فأحفـظ كلامـي وأفتهـم لسوالـي

أعطيك شـي مـا عطيتـه غيـرك

ومن حيث مانت تزول قلبي زالـي

أوصيك في ديـن عليـك فريضـه

هي الأولـه قبـل الكـلام التالـي

وهـرج النميمـه والقفـا لا تقربـه

أحـذر تعنـا بعـد قولـة قـالـي

وبيت القصيره حاذرك تسـري لـه

لما غدا لـك مـن رجالـه خالـي

وأوصيك في ضم الحلال المستحـل

العين ترجع عنـد راعـي المالـي

ولا تحـط المـال كسبـك مفـردا

المـال ميلاتـه تـقـول ظـلالـي

والضيـف لا تبخـل عليـه بمالـك

والجار عـزه لـي حـداه الجالـي

واوصيك لا تقعـد بحاجـة خالـك

عطها ولي لحقك بعض الاحوالـي

وأوصيك حاذور الكذوب تصاحبـه

ولا تطـاوع هـرجـة العـذالـي

لان الكـذوب مدنـس مـن حولـه

والصدق للرجل الصـدوق عقالـي

وأحفظ خويك في المواطـن كلهـا

وأصبر ولا تصبر علـى الافشالـي

ماتنفـع اليسـرى بغيـر امينـهـا

ولاتنفـع اليمنـى بغـي شمـالـي

لا تحتـزم بالـرذو يرفـع ثوبـك

خله يضيع أشلـى بـك السربالـي

ولا تقـارب كـون كـل مجـرب

يصير لـك عنـد اللـزوم ظلالـي

يابـوك ماقارنـت هيـس هـابـي

والطيب أشحى له وهو يشحى لي

وأن عـدوا اولاد القـروم فعولهـم

ما عـد لـي فعـل مـع الانذالـي

وأن هبلوا بي في دروب المرجلـه

فما زاد من شيبـي يزيـد هبالـي

أحذر تجـي بيـن الرجـال نقيلـي

ولا تصـيـر مفـافـي زلالــي

وأحفظ خويك وأعترض من دونـه

وأصبر ولا تصبر علـى الأفشالـي

والشـره لا تصبـر علـى عيلاتـه

خلـه مثـل ماكـال لـك يكتالـي

مـا ينطـح العايـل يكـون العايـل

والخـور ماياتـي بهـا الهوبالـي

وان جاتك أيـام الدهـربمصييبـه

فـلا تبيـن خلتـك حـتـى لــي

لاتبـدي الشكـوى يكـون لخالقـك

رب الجميع هـو القديـر الوالـي

أنا نصحتك لـي قبلـت نصيحتـي

نصيحـة ماهـي بقـولـة قـالـي

وختم الجواب أقول صلوا على النبي

بـاب القبـول وسيـد الارسـالـي