ملحمة نجران المبادي والقيم فينا قديمه
وكل يوم وحن نوثق في عراها
ان خذيناها خذيناها بقيمه
ون عطينا ها ماحن نشبح وراها
ابرم الكايد ويعجبني بريمه
والكوايد حلها عرف خبراها
وضرب العوجاء وتطلع مستقيمه
تعجب اللي قالها واللي قراها
لي كتبت الشعر بنحت من صميمه
وشتري الجزلات بغلا مشتراها
والبيوت الشرد فيها لي وسيمه
من تحلاها عرفها من طراها
ليقروها اللي روابعهم حليمه
قيل صح الله لسانه مفتراها
مجتمعنا فيه وقفاتن كريمه
واضحه واللي يزكيها براها
الحرار يسوقها نخوه وشيمه
والرخوم اللي تفرط في ذراها
الجماله لرجال اكبر غنيمه
والفساله فعلها يذرا زراها
تسحب علوم بجرتها وخيمه
والفشل مقرون في صف شوراها
ما يوقف للملام الا بهيمه
والقدا ليحط في الفسله براها
والغوا ماله علاج الا شكيمه
تشكمه ولو مهو ضاري ضراها
والزمان يدور يلوي كل ديمه
يضوي الحله ويسرح لقطراها
يا الله ان تجعل عوافيها مديمه
ناصر الله كل تقوا بنصراها