أبا اختصر واقول في مبدا الكلام

لاتغضبك كوره ولا تنقد خصيم

لو تفقد اعصابك ع الدنيا السلام

خلك حكيم وخلك الرجل الحليم

نعم حضوري كان شيمه واحترام

حضرت للدعوه وجمهور الزعيم

واللي يمثلنا ويرقى بالمقام

حنا معه مادام بالدرب السليم

ياآسياالابطال عام بعد عام

صالواوجالواوانتهى الليل العتيم

بان الهلال وزاح ديجور الظلام

وطاف الرياض من العليًا للنسيم

تواصلت لفراح في شرق وشام

وغرب وجنوب في المواطن والمقيم

والليله عزوم يشد بها الحزام

جمهور عاشق نظموا الحفل العظيم

فرحة وفا مادام طير السعد حام

وأكبر فرح حضورذا الجمع الكريم

اما العذايل وردوها للسوام

تباع في سوق المقّلد والقديم

هذا وصلوا عد من كبر وصام

على رسول الحق والشرع القويم