بلغو مجحود ابن عسكر 190 بلغو مجحود ابن عسكر سلامي وفوق خشمه قبلوه وعلموه هو حزامي لا كربتك ياحزامي وارثٍ الطيب من جده وابوه لابته تدري بها صبيان يااامي يوم جاهم من يصيح وزبنوه ((اسعدي))لامن تعزوا كل حامي تربك الخصم العنيد ويحرقوه وانت يامجحود يالقرم الحسامي ماخذٍ الطيب كله كلبوه انت شاعر ماخذ الصف الأمامي وبأسير البدر اسمك لقبوه كل بيتٍ تكتبه سامي ودامي وكل ماسمع لك قصيده قلت أوه بس انا ناوي على الشعر انتقامي بعد ماقلبي خذوه اللي خذوه كل مالديت في البدر التمامي طالعو في البدر بالله وسألوه ليه وصلني الى حد الهيامي وليه خلاني كذا فجأه اتوه اعشقه واغليه من دون الأنامي واقرب احبابه نسوه وهملوه هو هوى بالي وهو احلى غرامي روحي وقلبي من الله اشتروه كل ماشفته تراجف بي عظامي أأأه منه نعنبوه ونعنبوه لا رمس دشيت في جو انسجامي رمسه احلا من اللي خلفوه وان سكت غرد لها طير الحمامي وفي سكوته كن قلبي رقصوه ممتلي جسمه وخصره حيل ضامي بالحلا والزين وانواع النبوه حبه بدمي مشى حسب النظامي وكل عرقٍ في خفوقي مجدوه وانت تسأل وش علامي وش علامي؟؟؟ كن قلبك قبل قلبي ماخذوه ومن دخل بحر الهوى ماهو يلامي اسمي وشعري وعشقي خلدوه والشعر ماهو يكبر من مقامي ولا يصغرني مع اللي ورثوه وشاعرك مجنون ماهو بأنهزامي ولا يهمه من مدح والا أجحدوه يعني اسمي مايجي حال الأسامي بين ابن قضعان والذيب انحتوه مستعد اني اسوي انقسامي في مياين الشعر واللي جنوه وان غدى بالوقت صكه واحتدامي وقام كلاً يعتزي باسمه واخوه عدني سيفٍ ًٌصقيلٍ مايضامي سيف ابن حثلين ياللي جربوه دامني شاعر وصلبي صلب يامي لاتضايق صدرك فعطني الووه بلغو مجحود ابن عسكر سلامي وبلغوه يقول لي ((لافض فووه))
ملحمة نجران