خذ من القيفان والا من الدرر قاف ابن ناجي

الدرر واللول في قافي ترى متشاركة

العب المنكوس وارمي بالقصيرة وام تاجي

غالي ن لا جا لزومه لازم ن اباركه

شاعر ن اعسف مهار الشعر طربه من مزاجي

وان بدا شان ابن عمي واجب ن اشاركه

وان دخلت احسب وانا باول مداخيلي خراجي

وقبل ما طب البحر باطرف عصاتي حاركه

صاح عزمها الظفر والرزق باطراف العجاجي

مايفيد اللي تندم جوف كفه فاركه

الشلي صدقاك له بتقول فوق الراس تاجي

والردي ما نيب يمه من زمان تاركه

قال اخو لجثل الى اظلم جوك اشعل لك اسراجي

والقدر والرزق والعمر ربك مالكه

والرِّجِل سقها على طربتك في وسع الفجاجي

ما تضيق الا على لاش ن عزومه باركه