قال الذي زين المثايل يقولها

ويختار من جزلاتها مثل سرحان

يختار طيبها ويترك هزولها

يخاف ينقد قافها فلان وفلان

قيفان شعري جبت منها فحولها

باللي كما سهيل اليماني الى بان

حرًٍ شهر في العاليه من مثولها

صيده بكفه دوم جزلات وسمان

شيال صعبتها لاثقلت حمولها

قولٍ صحيح لي على القول برهان

شاعر محنك لابغاها يطولها

ودكتور علم وبلسم لكل وجعان

دراسته ماكل شخص ينولها

دكتور علاقات الدول بحث واتقان

يشبه لغيث اللي قديم محولها

لانشاء من القبله حقوق وهتان

من الوسامي اللي تطّوِل سيولها

ينبت انواع العشب بطراف غدران

ان مد تغني مدته في فعولها

ياكم وكم قالوه بدوٍ وحضران

لاقال يفعل وكل الاعدا يهولها

فعله يوصف به على فعل راكان

ومجالس دوم النشاما يعنولها

مافرقت مابين شب وشيبان

عود وعنبرريحها لادخلولها

وصحون فيها مفطحات وحيران

ودلال رسلان تقلط وحولها

تمرالخلاص اللي بغالي الاثمان

منصى بني عمه وهومن زحولها

من جى بهمه راح فارح وطربان

ونفسه على شوف البراري ميولها

وابل مجاهيمٍ ومغاتير وزيان

يحسب حسابه في المزاين بهولها

وان جت جوايزها توزع على الدان

وان جا لزوم والقبيله شمولها

شفته مع الشيخان هو راعي الشان

يجمع وينشد من طوارف فلولها

ويشل حمل اللي ضعيف وبحلان

رايه سديد ويتحمل ميولها

وان جات من الادنين سمحٍ كحيلان

ثبت لها التاريخ كُتُب باصولها

تبقى لها ذكرٍ على مر لزمان

تعب وسافر لين جاب محصولها

قال اخذو التاريخ كٌتُبٍ بمجان

هذاك ابو صالح علي في حفولها

ابن عضيبه لابدا بالحزم جان

حليحيل صامل نادرٍ له باقولها

يفداه من هو يتنومس بما كان

يمشي مماشيه ولاهو بحولها

يبغي سواته وعلي بفعوله احصان

ولااهثم انا الطيب ولاني باقولها

مكرمينٍ كل وافي وديقان