يطري علّي طاري ولا أدري على وين

وتلعب بي أفكار السنين الطوالي

وأخيل نجم الليل والليل نصفين

نجم لمع لي في ديار الشمالي

نوره على دار الصباح الميامين

ريف الكويت وعزته والكمالي

وسمعت قاف فيه كل المضامين

أنقى من الجوهر وشرب الزلالي

من عارف ينظم بنظم الفهيمين

ينقش حروف الشعر في كل جالي

يفخر بربعه يوم ربعه عريبين

لا من ذكرهم يرتفع ما يبالي

ذيب ولد ذيب من يسار ويمين

ما خالطه عرق المذلة محالي

مجول ترى ربعك على العز باقين

مكانهم فوق العرب ما يزالي

حن لابتك لأختل بعض الموازيين

نرسي كما ترسي رواسي الجبالي

من نسل مفلح نادر الموت عجلين

لاثار عبرود النشايب ومالي

ننطح نحور القوم ما حن بمقفين

لين تروى مرهفات السلالي

يحرم علينا الشرب من مارد شين

ما نأخذ إلا كل ما كان غالي

همدان تشهد فعلنا والقحاطين

أعيال زايد في السنين الخوالي

عندي على هرجي شهود وبراهين

ولا خير في هرج الكذب والتسالي

واليوم بالنعمة وظل القوانيين

صار الثعل والذيب تحت الظلالي

وأن جاك كلمة من ضعيف ومسكين

الناقص اللي ما يعرف الرجالي

هذا ومثله طال عمرك رديين

واطي ولا له في المراجل خصالي

العلم عند اللي بالأخبار دارين

أهل العقول الراجحات الثقالي

نجران عز الدار أول وذا الحين

اسم يشرف مسكنه فوق عالي

فيه الرجال اللي على العهد وافين

صبيان يام أهل الفعول الجزالي

وداري حبونا في خصوص العناوين

دار الكرم والجود أول وتالي

أرض آل مفلح في هناها مقيمين

ما ناشنا فيها من الحف صالي

وأن كثرت ديون العرب نأخذ الدين

طرق على الزعلان قبل الزوالي

يا مرحبا يا داعي الجد وأهلين

لا قيل يالسلوم بان الهلالي

حن في مواجد من على الرأس والعين

وفي جمع مذكر ساكنين المعالي

وأقبل سلامي من ضميري ملايين

تأصلك يا مجول على كل حالي