رد على أبيات أخي ورفيقي العزيز الشاعر الكبير مانع بن فايد….

من بعد قاف الشعر وسم وعلامه

من بدع إبن فايد حروف وجوابي

جات القـوافي منه طيب وكرامـه

والـرد غـالـي والمعـاني عِـذابـي

أسرجت خيل الفكر وأقبض لجامه

وأطلقتـها صـوبـه ويقـرأ كتـابي

قلت أرحبوا ماجور وأثني سلامـه

وأبيات إبن فايد سيـوف وجنابـي

مانع ومانع رأس طـيب وشهــامه

من صلب جدي بالنسب والحسابي

حاز الفخر والصيت ساسه وهامه

وحمـيد خلـّف لابة ٍ ما تـهابـي

ذروة سنـام المجد وأعلى مقـامه

في حامته صيـحان لي جاه نابي

على العدو كأنهم عذاب القيـامه

وتنجي المطلوب يوم الطـلابـي

نحس الحريب وينطحون الجهامه

سعد الرفيق اللي زهمهم يجابـي

ماضي ينـومس والقـلايد وسـامه

والحاضر يجـمّل ولا هـو بغـابي