احب أناظر شروق الشمس من بدري

أفظع من شعاعها نورٍ ب..آراضيهـا

يهمس لها الغيم والنعناع في صدري

لادنقت من خجلهـا تفـرك ايديهـا

تموت رعشة شتاي ويرتفـع قـدري

وأضيّع أسمـي ونظراتـي تغنيهـا

أحس كن النجـوم المبعـده حـدري

لاتمتمت لي بكلمـة كنـت ناويهـا

مره سألت البنفسج قال مـا يـدري

عنها وهو ينحنـي لأمـر طاريهـا

والفجر لا جا يصحّي الناعس الخدري

تزعل عليـه الخزامـا مايراضيهـا

يقول غدار صح وما حلى غـدري

أوفى وفا لو تخون الكـون وتجيهـا

بدري على الشمس تسكن خدها بدري

والليل يحيا..يموت برمـش عينيهـا