زنجروا من دوني الباب حيل اللهْ قوي

علّموني جرّة القيـد والممشـى رويـد

اجذب الونّه وبين المساجيـن اعـوي

مثل ما فى القبر تعوي مراويـح النويـد

ما استوت لي مثل ماهي لغيري تستوي

شينه الدنيـا وهلهـا قرايبهـم بعيـد

كفّ عنّي كفّ يمناك قدنـي مرتـوي

يازماني بـدّل الكـاس الاوّل بالجديـد

طير سلّم لي سلام المحـبّ المهتـوي

حالي ٍ واحلى من اللي ذوى فوق الجريد

خصّ به ياطير لاهلي ومن هو لي خوي

قلْ لهم مكتـوب والله ِ يفْعـل مايريـد

ليتني مثلك ومن عالي الجـوَّ اهـوي

في مرابيع ٍ بقلبـي غـلا هلهـا يزيـد

عاد قلبي بالتسايير عصْـر ٍ منتـوي

وانْ لقيت الزين هذاك عندي يوم عيـد

ليت من في حضْن سمرا الجدايل ينطوي

عقب حبّتها نسمْهـا تحَبْسـه بالوريـد