عزوة فخر 457 للشيخ في صدور الرجاجيل منزال وبقلوب شعبه دايم له مكانه هو الأبو والجد والعم والخال بينه وبين الشعب وصل وميانه شيخ بفعل الطيب يضرب بالامثال الله هو اللي عزه وعز شانه لا عدوا أهل الطيب ذربين الافعال الطيب في يمناه ماسك عنانه لا قال كل يستمع له ليا قال محد سواته بالعقل والفطانه عون الضعيف اللي عليه الدهر مال وأبو اليتيم اللي ترجّى حنانه له عزوة لا جا نهار اشهب اللال لا سمعها الجالس وقف في مكانه لا قال اخو مريم فعل واذا فعل طال عزوة فخر ما هيب عزوة مهانة من يوم راح وكلنا أشواق وآمال ندعي ونطلب كلّ ابونا عشانه الله يحفظه للوطن عز وظلال الشعب بأمن الله تعالى وامانه والحكم مثل الحمل والشيخ يحتال الله على شيل الصعيبات عانه هو شيخنا هو عزنا اجيال واجيال ما خلق من يقدر يزحزح كيانه اقولها والصدق لابد ينقال واللي مدح جابر صح الله لسانه لانه الأبو والجد والعم والخال ومن لامني جِعْلِه يفارق زمانه
ملحمة نجران