انا اشهد ان به فرق بين الخلايق

سبحان من قسم ارزاق البرايا

احدٍ يجيه الخير من دون عايق

واحدٍ يدابك في جميع الشغايا

واحدٍ يصيف دوم في جو رايق

واحدٍ مصيفه حر لفح الهوايا

واحدٍ تصيرالناس فوقه علايق

واحدٍ علاقه والرفاقه درايا

واحدٍ كريم والعطايا حقايق

واحدٍ منافق ولو تبين العطايا

واحدٍ يهايط والدعاوي لفايق

واحد حصان ويتبعونه رعايا

تاتي اخيار القوم جنبه وسايق

وتدراه اكبار العرب والسرايا

هاذا انا وياه دوما رفايق

قول وفعل ماهو بكثر الحكايا

ذيبان وفعوله بشتى الطرايق

وعيد الركايب لالفنَه حفايا

معاه دين وحلم بالعون فايق

والكامل الله حاش كل النوايا