قالــه مفـــرح قـــد تهيض بالغنـــا 

راس شعراء ذبيت روس اقذالها 

روس المبادي تظهر اللي في الحشا 

لولا المغاني كان طحت حيالها 

يالله ياللي فــــــــوقنا تنظــــر لنـــا 

استر عيوبي يوم كشف أعمالها 

رب تكــفــــل بالخــــلايـــق كلهـــا 

 كل الخــــلايق دقهـــا وجــلالها 

حي براس الرمــــــح ياخـــذ لقمته  

يطرد ورا العيشه ويتعنى لها 

وحـــي يجيه الـــــرزق لي حانــوته   

مثل الهوايش في نصد مدحالها 

مثـــــل الجحيشي سالم وانظــــر له 

جته الذلايل بالوعي واثقالها 

مثــل ابن مشفــــي ما يخلي ديـــره 

 خمسين متــن موثق بعقالها 

ومثل ابن مطلـق عامـــر بن العجفا 

يخلص الحجه وهو مغيالها

بشور ضيف الليل لي هـــب الشتا  

تلقى العقاير واللبن في جالها

ترعــــى بهـــا العـــرا ويبني نيها 

 ويعطي لبنها الضيف مع هشالها

يــردع ثمــــان مع ثمـــــان لقبلت  

 كبـــار الــرزايا لا عجـــــز حلالـهـــا