قصيدة أغلى قصيدة 306 رغم جور المفارق ما تعلّمت صار مشوار حلمي عشق وهيام ما تعود الليالي لو تندّمت ليت الأيام تبري جرح الأيام هام قلبي معي من يوم ما همت وهي بعد مثل قلبي، قلبها هام نفسي تلوم وانا ما بعد لمت ومن عشق مثلها ماهوب ينلام شفّتها مرّت الليل وتبسّمت وقتها كانت الدمعة تبسّام جات مثل الوهم لا من توهّمت بس كانت حقيقة ما هي أوهام رغم كثر السوالف ما تكلّمت والعتب من لمحها طاح ما قام ليلة عيونها تستاهل الصمت ليه أسولف وانا انطرها من العام قالت: شلون عن عذب الحكي صمت قلت: ما صمت لكن الحكي صام قالت: شلون في بحر الهوى عمت قلت: كانت مجاديفي من أحلام قالت: تشوفني في احلامك ان نمت قلت: واللي يحبك يقدر ينام؟! وسلّمت نفسها نفسي وسلّمت نفسي عيونها والجد قدّام وراحت وقبل أناديها تلعثمت وضاعت أغلى قصيدة بين الأقلام!
ملحمة نجران