قصيدة غلطة الجاهلية 429 أقول وكفوف الفكر حاتميّة لا بارك الله في ردي الأشاوير معي من لسان الضمير الوصيّة شاعر ولا أصدّق كلام الشواعير ماني تبع، لو تطغي الأغلبية ولا أصدق راي من دون تبرير وفي الشعر ما أقدّر سوى الشاعريّة والحكم يبقى دايماً للجماهير مهما تكون الذائقة فوضوية المبدع لحاله يعرف المعايير من لا قدر يرضي جميع البريّة يرضى على نفسه على أقل تقدير! لو تستر الأعذار وجه الخطيّة ما للرجل لا من تردى معاذير فرق النفوس الطيبة والرديّة ما يِعرَف إلاّ فالليال المعاسير على أي حال المسألة مبدئية لو إن بعض الأعراف تحتاج تغيير أحكامنا سهلة ولا منطقية وأفكارنا دايم تجي دون تفكير مع الخيال نحارب الواقعية وعقولنا ما تفهم إلا الأساطير أهم شي تكون راعي حميّة وما تفرق إن كانت على شر أو خير للحين فينا غلطة الجاهلية نمجّد أنفسنا ونستحقر الغير دايم نشوف المرجلة عنصريّة والعنصرية غير والمرجلة غير
ملحمة نجران