قصيدة قلب وأماني 1326 هذا القلم، آلة حزن تعزف حروف وهذا الحبر، خمر الورق والمعاني حبيبتي وان شفتي اقلامي وْقوف لا تحسبين ان اعذب الشعر جاني حتى الشعر تعترضه أحياناً ظروف ويمر في قلبي وينسى لساني جيت أوصفك ماتت تحت رجلك وصوف جيت أنطقك راح الكلام وعصاني حبيبتي والليل شماعة طيوف عليه علّقت الأمل والأماني وأتذكرك والبرد ووشاحك الصوف كم كنت محتاجك وكم كنت أعاني واتذكرك والحيرة تعانق الخوف كم كنت خايف لا يقصّر حناني كنتي وانا والعشق والجو محفوف ما زاد عنّا غير صمت المباني كان السهر طربان والليل مكسوف وكان الحكي من شفّتينك أغاني جيتي بعد عطرك وعطرك خذا الشوف وشفتك بقلبي واثر قلبي بلاني في الليلة اللي بدرها صابها خْسوف كنتي هدية للسما والمواني صرتي مكانه واقبل الغيم ملهوف يبي يضمّك بس نورك أناني وانا مثل هالغيم من حولك أطوف بغيت أضمّك بس عيّا زماني نضحك حزن ونشوف ونصد ونشوف ونضيق والضيقة سجينة محاني ما فيه داعي نسمع أعذار وحلوف لا صار ما نقدر نعيد الثواني أنتي رحلتي دون تلويحة كفوف وانا رحلت بدون قلب وأماني
ملحمة نجران