كـم يدعـون الشعـر نــاسٍ قلاسـيـس

واطـيـن الاصــل مضيعـيـن الـمـبـادي

يسـعـون للشـهـرة يـبـون النوامـيـس

وقالـو حـن الشعـار علـم(ن) وكــادي

أقلامـهـم مــن وارد اســواق بـاريـس

أردى قلـم معهـم عـلـى الالــف زادي

تـجـمـعـوا بـقـلامـهـم والـقـراطـيــس

وقـالــو رومنسـيـيـن والـجــو هـــادي

مــن بـعـد ماكـانـوا عــراةٍ مخـالـيـس

تعـلـمـوا لـبــس الـثـيــاب الــجــدادي

تـقــول رهـبــانٍ يـدقــون النـواقـيـس

عـلـى ضـفـاف النـيـل والـبـدر بـــادي

تقـول مـن سمـار كسـرى ورمسيـس

يحـكـون اساطـيـر الامـــم والـبــلادي

ماكنهـم الا شالـو لـواء امـرؤ القـيـس

والا اتـاهـم وحـــي قـيــس الايـــادي

قصـيـدهـم تـافــة بـكــل المقـايـيـس

اذا غـــدى للـشـعـر نــــدوة ونــــادي

أمثالـهـم يـبـقـون خـلــف الكـوالـيـس

تبرى الصحـف منهـم وتبـرى الـروادي

ناس(ن) من الشعر المعرب مفاليـس

مـثـل الـلـذي يبـغـى يـعـد الـجــرادي

شعـر(ن) يبعثـرة الهـوى والنسانيـس

وشعر(ن) تصفـق لـه قلـوب العبـادي

أن الشعر وحي(ن) يحـرك لحاسيـس

كــــذاب شــعــرٍ مـايـهــز الــفـــوادي

كـــذب شـعــرٍ مـايــدك الـهـواجـيـس

كــذاب مــن لا قــال وابــدع واجــادي

أنـدرس اللـي يجهـل الشعـر تدريـس

وادي علـى وادي علـى الفـيـن وادي

ونستيسـر الغـاويـن واولـهـم ابلـيـس

مـــن قـبــل تـخـلـق ثـمــودٍ وعـــادي

مقـدس(ن) ياشعـر همـدان تقـديـس

ويــام(ن) تسـابـي عـروتـك بـالأيـادي

والخـيـل تشـهـد والبـكـار المعابـيـس

والرمـح يشهـد والـرسـن والـشـدادي

وتشهد نجـوم(ن) علقـت كالفوانيـس

تـضــوي لأرم ثـمــود ذات الـعـمــادي

أحــرار نـطـوي الارض والا محـابـيـس

قصـيـدنـا عـنــد الـحـضـر والــبــوادي

وكم يدعون الشعر ناس(ن) قلاسيس

واطـيـن الاصــل مضيعـيـن الـمـبـادي