كم يدعون الشعـر نـاسٍ قلاسيـس

واطين الاصل مضيعيـن المبـادي

يسعـون للشهـرة يبـون النواميـس

وقالو حن الشعار علـم(ن) وكـادي

أقلامهم مـن وارد اسـواق باريـس

أردى قلم معهم علـى الالـف زادي

تجمعـوا بقلامـهـم والقراطـيـس

وقالو رومنسييـن والجـو هـادي

من بعـد ماكانـوا عـراةٍ مخاليـس

تعلمـوا لبـس الثيـاب الـجـدادي

تقـول رهبـانٍ يدقـون النواقـيـس

على ضفاف النيـل والبـدر بـادي

تقول من سمار كسـرى ورمسيـس

يحكون اساطيـر الامـم والبـلادي

ماكنهم الا شلو لواء امـرؤ القيـس

والا اتاهم وحـي قيـس الايـادي

قصيدهـم تافـة بكـل المقايـيـس

اذا غـدى للشعـر نـدوة ونـادي

أمثالهـم يبقـون خلـف الكواليـس

تبرى الصحف منهم وتبرى الروادي

ناس(ن) من الشعر المعرب مفاليـس

مثل اللـذي يبغـى يعـد الجـرادي

شعر(ن) يبعثرة الهـوى والنسانيـس

وشعر(ن) تصفق له قلوب العبـادي

أن الشعر وحي(ن) يحرك لحاسيـس

كـذاب شعـرٍ مايهـز الـفـوادي

كـذاب شعـرٍ مايـدك الهواجـيـس

كذاب من لا قال وابـدع واجـادي

أندرس اللي يجهل الشعـر تدريـس

وادي على وادي على الفيـن وادي

ونستيسر الغاويـن واولهـم ابليـس

مـن قبـل تخلـق ثمـودٍ وعـادي

مقدس(ن) ياشعـر همـدان تقديـس

ويام(ن) تسابي عروتـك بالأيـادي

والخيل تشهـد والبكـار المعابيـس

والرمح يشهد والرسـن والشـدادي

وتشهد نجوم(ن) علقـت كالفوانيـس

تضوي لأرم ثمـود ذات العمـادي

أحرار نطوي الارض والا محابيـس

قصيدنا عنـد الحضـر والبـوادي

وكم يدعون الشعر ناس(ن) قلاسيـس

واطين الاصل مضيعيـن المبـادي