موكـب الغـيم 255 يا موكب الغيم مر بصحارينا اجمع صهيل الخيل ترعد عزاوينا فيها تكاتفنا وفيها تعاهدنا نمحي ظلام الليل وتشرق أراضينا *** هناك صيت المجد ذاع سيرة شجاعٍ من شجاع من نجد نادى يابلد وذبت له الدار القناع مرحوم يالصقر الفريد ليتك تناظر من جديد تشهد على نهضة وطن وتشوف حاضرنا المجيد *** مملكتنا عانقي سابع سما اشرحي للما حكايات الظما كيف عن صحراك غاب وكل جرحٍ فيك طاب بالتفاني والسهر العتيم أصبح قمر وانتي أول سالفه تسقي البيدا نهر *** تمايلي يا نجد فوق النجم فوق يضحك على وجه السما غيم وبروق والبدر تحتك من هوى الشوق محروق وده يزور البرج ويشوف نوره جنوبنا يرقص على كل موال وردد شمال المملكة عذب الأقوال والبحر غنّا هيه يا مال يا مال وده يزور البرج ويشوف نوره *** الله الله يالسعودية طينك عطر صمتك شعر .. يالسعودية من زود قدرك ما نسميك التراب وانتي عيونك شمس وكفوفك سحاب يا منار آخر رسول يا طهر همس البتول يا وطن مكة وطيبة في العلالي طول طول صرت نبراس الجميع يعشقك حتى الرضيع في ظلال أخوان نوره يا وطن تبقى رفيع فيك عنوان السلام نور وأغصان وحمام بيرقك قاد المسيره وارتفع فوق الغمام تفتخر فيك الجبال ويرتفع قدر الرمال في وصوفك دوم عالي فوق تصوير الخيال أنت يارمز البياض نجم عالي فوق ناض مثل برج المملكة شامخ بصدر الرياض *** ياوطن نسنس هواك وجذبنا غيّه من يزور ارضك تولع بعشق ترابها يا ديارٍ تحت حكم الفهد محميه قادها بالعدل لين القمر غناّ بها أكمل المشوار بالعزم والجديّه عاش أبو فيصل حكمها ونال اعجابها دارنا على الشرف والوفا مبنيّه باسم عبدالله تغنّت وهو يزهى بها كلما ميّل عقاله يمين شويّه الشجاع يخاف من نظرته ويهابها وان ذكرنا قايد اسرابنا الجويّه سيدي سلطان ستر البلد وحجابها علموا غيم المطر والعطر والفيَه للكرم ديره وسلطان كفّه بابها في ذرى حكامنا مخلصين النيّه الصعيبه لجلهم ما نحسب حسابها سطروا تاريخنا في سما الدرعيّه هم هل العوجا سباع البلد وذيابها *** يا بلدنا ساكنه ف قلوبنا .. يا بلدنا وأنتي نور دروبنا .. يا بلدنا في سمانا تعشقك مليون نجمه وفي دمانا بالغلا لك ألف بصمه بالعدل والله خلدنا ولله الواحد سجدنا يحفظك ويديم عزك يا بلدنا *** الأرض يا دار مثل العرض نبيع الأرواح من دونه فرضٍ علينا … علينا فرض نوَحد الصف ونصونه عليك نلتف طول وعرض الشعب واللي يحكمونه *** الله على جوّك الهادي ونسمة هواك وبساتينك اسمك ترنّم به الشادي وتعطر الورد من طينك لك في الصدر يا بلد غيمه تبرق وتمطر لياليها أرضك لها شيمه وقيمه والناس تدري وتغليها في الكون يا مكثر احبابك يا موطن الحب والطيبه لوغبت لحظة عن ترابك الله يا مطول الغيبة ما فيه مثلك وطن ثاني بالعطف واللطف والروعه من عهد أبو تركي الباني رايتك بالعز مرفوعه يا دارنا ما نبي غيرك على رمالك تربينا نحميك ونعيش في خيرك عشقك نبت وانغرس فينا شربت عشقك وانا ظامي وهمست للشط والوادي بالدين والمنهج السامي الله يحميك يا بلادي
ملحمة نجران