يامرحبا بسمي وربعي القشانين

اللابة اللي شوفهم يشرح البال

يامرحبا ياضيوفنا يالعزيزين

الله يحييكم عدد وبل وهمال

عند الرجال اللي تحب النزيهين

ولضيوفهم حشمه وقدرٍ ومنزال

عوايد جدود وعلى العهد باقيين

سلوم طيب ِ تنعرف بين لجيال

لاخير في قولٍ ولاله براهيين

لي صار مايقرن حكانا بلفعال

حنا مع الوافيين والله وفيين

وخوينا نفداه في سلم وقتال

وفي جارنا شهمين وأيضا عفيفين

ندراه من الخملات والقيل والقال

ودخيلنا يامن ودونه سلاطين

ويروح منا مابعد جاه مثقال

وغريمنا ناخذه ونوفي الدين

ويعيش من حوله بهم وتقلقال

ولي كبرت القالات حنا حكيمين

ليام تعطي درسها عند عقال

إن جاء الخطا منا أنثنينا سريعيين

وإن جاء علينا قبل ما نحكم أثقال

وفي الشأن ناقف في قريب وبعيدين

ونشوش لا جاء صوت عزوه ودرقال

وعند العواني يقبل الصف صفيين

عند البزي والعم والجد والخال

نرفع مقام الطيبين الصريحيين

ونعتز في الغالين ذربين لقبال

وكل القبائل للنواميس جزلين

لاهان راس للمهمات نقال

الا ب آدم والمخاليق من طين

والمجد ما يتبع لسامي ولشكال

هذا صحيح والمخاليق دارين

لكنه طبع(ن) بين رجل ورجال

وعلى رسول الحق سيد البريين

صلوا عدد ماخط بالنون والدال