نودٍ من الغربي 261 نودٍ من الغربي وروس المبادي يسوى جديد القصر لو زان مبداه بارض جديدة والمنازل جدادي ما كان في قلبك من الهم تنساه لا زان نبت العشب في كل وادي مثل الزوالي اللي تنشر مشراه شرفت حاديني من الهم حادي في ارس رجم هيض العين مبداه أهل خافي عبرتي بانفرادي من جور هم عيت النفس تقواه واقول يا قلب الخطا من تنادي وقت بحال الناس هذي سواياه أشوف وقت ما عليه اعتمادي رفع الهزيل وعالي الناس وطاه مثل الكسيرة في نار الطرادي هذا الزمان اللي عطانا مقفاه أفراحنا اللي في ليالي العيادي أقفت مع وقت تقافت مطاياه قفا زمان مخضبين الهنادي وجا وقت جيل مذهبه ما عرفناه إلا نصحت اللي عن الدرب غادي تبلش الين تسامحه في خطاياه إن كل زرع مقتفيه الحصادي ينشف ولو هو يجري الماء بمسقاه وروح الفتى لابدها للنفادي نفسك أجلها لا قرب ما تعداه
ملحمة نجران